ଆଉ କ୍ୟାବରେ ଦେବାକୁ ପଡିବନି ଅଧିକ ଭଡା

ଯାତ୍ରୀମାନଙ୍କ ପାଇଁ ଆସିଲା ଖୁସି ଖବର । ଏଣିକି କ୍ୟାବ ସେବାକୁ ନେଇ ଆଉ ଆପଣଙ୍କୁ ଚିନ୍ତା କରିବାକୁ ପଡିବନି, କି ଭଡା ଅଧିକ ହେବାର ଭୟ ମଧ୍ୟ ରହିବନି । ଜାନୁଆରୀ ୧ ତାରିଖଠାରୁ ଆରମ୍ଭ ହେଉଛି ସରକାରୀ ଟ୍ୟାକ୍ସି ବ୍ୟବସ୍ଥା । ଯାହାର ନାଁ ରହିଛି ଭାରତ ଟ୍ୟାକ୍ସି ସେବା । ଯାହା ଘେରୋଇ କ୍ୟାବ ସେବା ଗୁଡିକ ସିଧାସଳଖ ଚ୍ୟାଲେଞ୍ଜ ଦେବ ।କାରଣ ଏହାର ଭଡା ଘରୋଇ କ୍ୟାବ ଭଡାଠାରୁ କମ୍ ରହିବ ଏବଂ ସଧାରଣ ଲୋକମାନଙ୍କୁ ସୁବିଧା, ସୁଲଭ ଏବଂ ଉତ୍ତମରେ ସେବା ମଧ୍ୟ ମିଳିବ । ତେବେ ଏହାକୁ ଉଭୟ ଗୁଗୁଲ ପ୍ଲେ ଷ୍ଟୋର ଓ ମୋବାଇଲ ଆପ ମାଧ୍ୟମରେ ବ୍ୟବହାର କରିପାରିବେ। ଏହି କ୍ୟାବ ଯୋଜନାଦ୍ୱାରା ଯାତ୍ରୀ ମାନଙ୍କୁ ଭିଡ କିମ୍ବା ଖରାପ ପାଗ ଯୋଗୁଁ ଅଧିକ ଭଡା ଦେବାକୁ ପଡିବ ନାହିଁ । ବର୍ତ୍ତମାନ ଏହି ସେବା ଦିଲ୍ଲୀ ଏବଂ ଗୁଜୁରାଟରେ ଉପଲବ୍ଧ ହେବ। ତିନୋଟି ବର୍ଗ ଯଥା କାର, ଅଟୋ ଏବଂ ବାଇକରେ ଏହି ସେବା ମିଳିବ । ସୁଲଭ ମୂ୍ଲ୍ୟରେ ମିଳୁଥିବାରୁ ଯାତ୍ରୀମାନେ ନିଜ ଇଚ୍ଛାରେ ଯେ କୌଣସି ସେବା ବାଛିପାରିବେ। ଯଦି ଏହି ସେବା ଆଗମୀ ଦିନରେ ସଫଳ ହୁଏ ତେବେ ଏହା ଭାରତର ସମସ୍ତ ସ୍ଥାନରେ ଉପଲବ୍ଧ ହେବ ବୋଲି ସୂଚନା ମିଳିଛି ।